Haizea indartsu dabil eta herriko hainbat gunetan zuhaitzetako arramak lurrera bota ditu, plazan eta San Lorentzon, esaterako. Plazako parketxoa zintaz itxi dute udaltzainek, segurtasunagatik, inor barrura ez sartzeko. Ugarkalden, San Martinen eta San Lorentzon joan eta etorri ibili da argia eta barik daude azken ordu laurden honetan. Parrokiako erlojua ere kaltetu da.
Oñargik jakinarazi duenez, tentsio ertaineko argindar linea baten izan da matxura eta teknikoak lanean ari dira aberia lehenbailehen konpontzeko.
Parrokiako erlojua ere mugitu egin da, barrurantz sartu da haizearen eraginez.
Olabartan, bestalde, Intxaurrondo bat sustraitik ateratzeko zorian dago, eta suhiltzaileak lanean ari dira. Izan ere, Udaltzaingoak adierazi duenez, argindar kable bat eta gas depositu bat daude ondoan, eta "arriskutsua izan daiteke".
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
