Gaurko etapan Udanatik Elorregi aldera pasako dira txirrindulariak arratsaldean eta hori gertatzen denean zirkulaziorako itxi egingo dute Oñati zeharkatzen duen GI-2630 errepidea. 15:00-15:15tatik aurrera, Espainiako Itzuliko ibilgailuak pasatzen hasi ahala, errepidea tarteka itxiko dute zirkulaziorako, baina lehenengo txirrindularia heltzen ari dela jakinarazi bezain pronto, errepidea erabat itxiko dute tropela eta azken txirrindularia pasa arte. Denak batera etorri edo taldeka datozenaren arabera luzatuko da beraz, errepide mozketaren iraupena.
Errepidearen segurtasunaz eta bidegurutzeak zaintzeaz Udaltzainak, Ertzainak eta boluntarioak arduratuko dira. Tropela Udanara iritsi baino ordubete lehenago hasiko da zaintza lan hori.
Espainiako Vuelta Oñatira iristen denerako, 15:30ean, elkarretaratzea deitu dute Portalekuan, "euskal preso guztiak etxean izango dituen euskal errepublika askea" eta "nazio bat gara" aldarrikatzeko.
