Azaroaren 4tik 8ra bitarte egingo dute Beratu jaialdia

Oñatiko hainbat gunetan izango dira kontzertuak eta sarrerak aurretik hartu beharko dira, nahitaez. Sarrerak eskuragarri daude dagoeneko, Oñatiko udalaren webgunearen bitartez.

"Nortasun propioa" eskuratu du Beratu jaialdiak 2018. urtean lehen edizioa ospatu zenetik. Honela azaldu dute antolakuntzako kideek: "Irekia dagoen lan talde finko bati esker Euskal Herriko musika jaialdi txikienzirkuituan leku bat egitea lortu du". Azaroaren 4tik 8ra egingo dute, Osasun Sailak eskatutako protokoloak beteta: edukiera mugatuta, eserita eta maskara jantzita. Sarrerak aldez aurretik erosi edo erreserbatu beharko dira. Prezioa 7 eurokoa izango da Santa Ana antzokiko emanaldietan eta doakoa azaroaren 8ko kontzertuetan. Sarrerak oñatiko udalaren webgunean eskuratu daitezke.

Emanaldi anitzak

Azaroaren 4an, 19:30ean, Aitor Etxebarria musikari gernikarrak Markak dokumentalerako konposatutako soinu banda zuzenean aurkeztuko du, Santa Ana antzokian. Leku berean, azaroaren 6an, 20:00etan, Los Sara Fontan eta Sua taldeek eskainiko dute emanaldia. Hurrengo egunean ere Aitor Etxebarria eta Gaizka Insunza egongo dira entzungai, 20:00etan. Lazarragako lorategiak Hakima Flissiren kontzertua hartuko du azaroaren 8an, 12:30ean, eta Joseba Irazoki Antixeneko gaztetxean izango da, 18:00etan.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.