Ikastaroa Oñatin eta euskaraz izango da. Urtxintxa Aisialdi Eskola arduratuko da ikastaroa emateaz. Urritik maiatzera bitartean izango da, zapatuetan, 09:00etatik 15:00etara; 150 ordu teoriko eta 160 praktika ordu.
Parte hartu ahal izateko baldintza bakarrak dira: atal teorikoa burutzen denerako 18 urte beteta edukitzea eta DBHko graduatu titulua izatea dira. Hilaren 22an informazio bilera irekia egingo dute zinema aretoan, 18:00etan, ikastaroari buruzko informazioa eman eta zalantzak argitzeko.
Diru laguntzak
Ikastaroaren matrikula 500 euro da baina Oñatiko Udalak diru laguntzak emango ditu: langabetu edo ikasle direnei matrikularen % 75 eta gainontzekoei, matrikularen % 50. Diru laguntza eskuratzeko baldintzak dira: Oñatin erroldatuta egotea, gehienez justifikaturiko 24 ordu galtzea eta eskolen aprobetxamendu ona edo titulua eskuratzea.
Udaleko webgunean sartuta eman behar da izena.