Katilu-termoak banatzen hasi da aste honetan Txanda dendarien elkartea. Kartillak atera ditu bezeroen artean banatzeko, eta erosketak egiten dituzten aldiro zigilu bat jasoko dute kartilla horretan. Betetakoan, elkarteko edozein dendetan entregatu dezakete kartilla, eta katilu-termoa eskuratu trukean. Horrelako 1.000 bat eskuratu ditu Txandak eta guztiak agortu bitartean iraungo du aste honetan bertan hasi duten Bizi, erosi, maitatu Oñati izeneko promozio kanpaina bereziak.