Norberarendako moduko hileta

Aho zapore gozoz baina gehiagorako gogoz utzi du Zubikoako frontoian bildutako publikoa Tio Teronen Semeen Festamentua ikuskizunak. Askotariko diziplinaz –eta diziplina bakoitzeko estiloz– osatutako istorioa da, elkarren artean ederki josita.  

Trapa eta Caribeko doinuak; hilkutxa gainean dantzan –kaxarranka eran– zein Oñatiko Corpuseko arku dantza doinuz; antzeztuz, abestuz eta dantzan, ikuskizunean modu aktiboan –ez soilik musika joz, antzeztuz ere bai, esan nahi da– parte hartzen duen musikari talde batekin, eta dena umorez. Gauza askotatik apur bat duen ikuskizuna da Festamentua, Oñatiko Zubikoara joandako gehienei labur, laburregi –35 minutu inguru–, egin zaiena.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.