Zubikoa eraberritzeko lanen barruan, aurreikusita zuten frontoiko zorua konpontzea eta larrialdi irteerak hobetzea, edukiera handitu ahal izateko. Baina frontoia neurri ofizialen barruan sartzeko lanak egitea ere pentsatu du Udalak eta horretarako momentu aproposa orain dela, pilotalekuaren erabilera txikitu egin delako COVID-19agatik.
Horrela, neurri ofizialetara egokituko dute Zubikoako pilotalekua: metro erdi igoko dute frontisa, 9,5 metrotik 10 metrora pasako da, eta berriz margotuko dute gero.
Kantxa berdeko zorua ere aldatuko dute
Zubikoari lotuta, kantxa berdean efizientzia energetiko handiagoa lortzeko lanak egin dituzte, leihoak aldatu eta led argiteria jarri, adibidez. Orain, zorua ere aldatzea pentsatu dute, "beharra" duelako. Datozen egunetan egingo dituzte lan horiek.