Aloña Mendiko pilota saileko gazteak joan den astean hasi ziren Gipuzkoako Txapelketa jokatzen, eta datozen asteetan ere izango dituzte norgehiagokak.
Gaur arratsaldean, 18:30ean hasita, lau neurketa jokatuko dituzte Zubikoa pilotalekuan. Bigarren mailako kadeteen txanda izango da lehenbizi, eta Egurbide eta Juaristi oñatiarrek Bergarako bikote bat izango dute aurkari. Barrenak eta Osesek, aldiz, Añorga hartuko dute. Lehen mailako gazteak ere lehiatuko dira, eta maila horretan, Ugarte eta Galdos Tolosako bikote baten aurka arituko dira nor baino nor gehiago. Azkenik, hirugarren mailako gazteak ere aterako dira pilotalekura. Hain zuzen, Perezek eta Tatiegik Aretxabaletako bikote baten aurka izango dute neurketa.
Pilota Sailetik adierazi dutenez, norgehiagokak ikustera joateko aukera izango du hala nahi duenak. Hala eta guztiz ere, maskara eramatea ezinbestekoa izango da eta segurtasun distantziak errespetatu beharko dira