Manuel Biain eta Margarita Guridiren alaba Asuncionek 100 urte bete ditu gaur. Kale Zaharran jaio zen eta bederatzi anaia-arreba izan dira; egun bost bizi dira, lau Oñatin eta bat Oñatitik kanpo. Urte asko bete dituzte denek; bik 100 urte bai eta 98 beste batek, esaterako. Izaro Elorza eta ongizate zerbitzuetako zinegotzi Susana Altuna joan zaizkio gaur bisitan zorionak ematera.
Harategi batean ibili zen lanean lehenengo, eta ondoren Oñatiko familia baten zerbitzari aritu zen urteetan. Bere ahizpa Begoñarekin eta haren alaba Jone eta horren senar Bittorrekin bizi da egun. Ondo du burua eta ordu gehienak etxean egiten baditu ere, ile apaindegira eta medikuarengana joateko gai da oraindik. Egunero entzuten du meza, irrati bidez batzuetan eta telebista bidez bestetan, eta oso entretenituta dagoela dio, eta oso ondo zainduta familiaren eta Cruz zaintzailearen konpainiarekin.
100dik gorako zazpi
Egun, Asuncion Biainekin, zazpi dira jada Oñatin 100 urte edo gehiago dituzten herritarrak, denak emakumeak. Zaharrenak 106 urte ditu.
