Aitor Urzelai Inza (Oñati, 1975) izango da SPRIko zuzendari berria. Urzelai, Ekintzailetzaren, Berrikuntzaren eta Informazio Gizartearen zuzendaria izan da 2016tik, Arantxa Tapia sailburu izan den departamenduan. MIKeko (Mondragon Innovation & Knowledge) zuzendari nagusia ere izan zen 2009tik 2012ra. Enpresen ekonomia eta zuzendaritza programan doktoregoa du Urzelaik, eta enpresa zientzietan lizentziatura marketing arloan eta diplomatura finantzetan. Oñatiko EAJko zerrendan aurkeztu zen azken udal hauteskundeetan.
Industri Sustapen eta Birmoldaketarako Sozietatea, SPRI, Eusko Jaurlaritzak 1981ean sortu zuen agentzia da, eta bere helburua da EAEko enpresei garatzen laguntzea eta eremu horretako ehun industriala babestea. SPRI Eusko Jaurlaritzako Industria, Merkataritza eta Turismoko Sailari atxikia dago.