Gipuzkoako eskubaloia "indartu" gura duelako erabaki du Mantxolak kargura aurkeztea: "Federazio barruan zatituta daude gauza asko. Lehendik datozen kontuak dira, hainbat arlotan ez dago batasunik; elkarteen eta epaileen artean, esaterako. Zatiketa hori ikusi egiten da, nabarmena da, eta eskubaloiari indarra emateko ezberdintasun horiek gainditu eta bateratu egin behar dugu. Hori da, behintzat, nik uste dudana".
Egun, 29 eskubaloi elkarte daude Gipuzkoan, eta horietatik 27k dute boto eskubidea. Horiek erabakiko dute presidente berria. Hautatuak hilabeteko epea izango du lehen batzarra egiteko.