Bihartik, uztailak 1, aurrera egongo da erabilgarri San Lorentzoko ur-uhinen parkea. Eusko Jaurlaritzako Osasun Sailak argitaratu dituen irizpideei jarraituz, "COVID-19aren kutsatze-arriskuak minimizatzeko zenbait prebentzio-neurri ezarri" ditu Udalak ur-uhinen parkean: sarbideen egokitzapena eta kontrola, distantzia soziala mantentzeko neurriak, eta erabiltzaileentzako informazioa.
Irizpide hauek jarraitu beharko dira ur txorroten parkean jolasteko:
- Erreserba egin behar da ur-parkean jolasteko.
- Egunean bertan egin behar da erreserba, txanda eskatuz.
- Txanden iraupena 30 minututakoa izango da (Erabilera-ohituren eta beharren arabera txanden denbora alda daiteke).
- Egunean txanda bakarra har daiteke (Eskariaren arabera egunean eskatu ahal izango den txanda-kopurua alda daiteke)
- Jolas-eremua itxita egongo da jolasak martxan dauden bitartean eta harrera/zaintza zerbitzua egongo da ordutegi horretan.
- Txanda telefonoz edo ur-parkean bertan eskatu daiteke, zerbitzuko ordutegian. (Kiroldegiko telefonoa da: 943 71 63 75. Ur-parkean begiraleak egongo dira eta eurei galdetuta hartu ahal izango dira txandak)
- Erreserba-eskaera bakoitzean hiru leku erreserba daitezke
- Ur-jolasen aforoa txanda bakoitzeko (Egoeraren arabera aforoak alda daitezke) : 22 neska/mutiko
- COVID-19arekin kutsatze-arriskua minimizatzeko gomendioak eta arauak bete behar dira.