Amaiera "polita" eman diote 'Herrixa Kantuan' ekimeneko ikasturteari

Gaur eguerdian herriko plazan egin dute Herrixa Kantuan-eko azken saioa. Musikari, abeslari eta herritarrek elkarrekin eman diote amaiera ikasturteari.

Ekimenean parte hartzen duen Jabi Agirrek azaldu duenez, urte "berezi" honi "amaiera polita" eman diote gaur. Konfinamendu garaian ere ez zioten kantatzeari utzi; balkoitik balkoira egin zituzten saioak martxoan eta apirilean. Maiatzean eta ekainean, ostera, "ohiko formatuan" antolatu dituzte.
 

Musikariak, gaur eguerdiko saioan zehar. (Argazkia: Jabi Agirre)

Irailaren 26an, berriro

Agirrek adierazi du, "okerrik ezean" irailaren 26an berrekingo diotela Jose de Azpiazu musika eskolak antolatzen duen ekimenari. Azkenik, eskerrak eman nahi izan dizkie hilez hile parte hartu duten herritar guztiei. "Aurrerantzean ere, eutsi diezaiogun euskal kantak abesteko tradizioari", gaineratu du.
 

Ekimeneko parte-hartzaileak, elkarrekin. (Argazkia: Jabi Agirre)

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.