Egiari Zor Fundazioak antolatuta, ETAko kide "erailak" oroitzeko elkartu dira San Martingo zuhaiztian. Horretarako, zuhaitz bat landatu dute lehenengo; eta jarraian, Susana Arregiren senideei Agurra eskaini diete dantzariek. Horren ostean, lora sorta ere eman diete.
Arregi eta Lizarralde ez ezik, Guardia Zibilaren eta ETAko kideen arteko tiroketan zauritutako German Rubenachi ere egin nahi izan diote keinua.
Jose Mari Zugasti Fundazioko kideak azaldu duenez, Irunberrin gertatutakoa "argitu dadin" eskatzeko ere elkartu dira gaur, izan ere, azken hiru hamarkadetan ez dute "egia zein den" jakiterik izan. Horren harira, azaldu du oraindik "lan handia" dagoela egiteke Irunberrin jazotakoa ezagutzeko.
