Hartu duen erabakietako bat da, adibidez, diru laguntzak ematea Gurutze Gorriri, Elikagaien Bankuari eta Caritas-eri. "ULMAtik, laguntza horiekin, gure hondar aletxoa jarri nahi dugu ahal dugun neurrian une zail hau arintzen laguntzeko", azaldu du Lander Diaz de Gereñuk, ULMA Taldeko presidenteak.
ULMAk bat egin gura izan du egoera honetan "ikusten ari garen aurpegirik solidarioenarekin: zaurgarrienentzat elikagaiak ematea, diru ekarpenak egitea, osasun materiala uztea, teknologia uztea...". Hala, "COVID-19ak eragindako osasun krisiak gogora ekartzen digu mundu interkonektatu batean bizi garela eta bakoitzak, nork bere lekutik, erantzuna eman behar diela egungo egoerak planteatzen dizkigun erronka soziosanitario eta ekonomikoei", gaineratu du Diaz de Gereñuk.