Ikastetxetik adierazi dute ez dutela "urteroko festa" antolatu baina bai hainbat ekintza astea eta eguna "bereziagoak" izan daitezen. Era horretan, une zailak "elkarrekin eta elkarrentzat" egonda arinagoak direla aldarrikatu gura izan dute, baita azken hilabeteetan komunitate osoak erakutsi duen inplikazioa eta konfidantza "txalotu" ere.
Hainbat material eskegi dute ikastetxeko webgunean: jaialdien bideoak, ikasle zein ikasle ohiek egindako bideo-tutorialak, argazki collagea eta ikasle talde batek ekoiztutako bideoa. Bestalde, biharko, Potx Magoaren ikuskizuna antolatu dute; 18:00etan, Santa Anan. Adierazi dute 80 pertsonako edukiera izango dutela, eta sarrerak dagoeneko banatu dituzte. Soberan egongo balira, gaur bertan erreserbatu ahalko lirateke, 943 71 82 72 telefonora deituta.