Hasi dira Corpus eguneko mezarako sarrerak banatzen

Oihana Elorza Gorostiza 2020ko eka. 9a, 10:50
Goizian Txokolateixian herritar bat sarrerak hartzen

300 sarrera inguru jarri dituzte Txokolateixan domekan egingo den Corpus eguneko mezara joateko. 10:30ean zabaldu dute Txokolateixia eta 09:30erako zegoen jendea zain, ilaran. Egun horretan musika bandak Lazarragan egingo duen kontzerturako sarrerak ere hartu ditu batek baino gehiagok.

400 lagun sartuko dira domekan San Migel parrokian egingo den Corpus eguneko mezan. 100 lagun inguru izango dira kofradiako kideak, dantzariak eta parrokiako zein elizako jendea eta beste eserlekuak sarrera bidez beteko dira. Eta gaur, martitzena, goizean hasi dira txartel horiek banatzen Txokolateixan. Bi sarrera har ditzake pertsona bakoitzak, gehienez.

10:30ean zabaldu dute Txokolateixia eta 09:30erako jendea zegoen zain; Marku jantzi dendaraino heldu da ilara.

Corpus mezarako bakarrik ez, ostean Lazarraga lorategian musika bandak 13:00etan egingo duen kontzerturako sarrerak ere hartu ditu batek baino gehiagok.

Corpus eguneko meza GOIENA telebistak botako du, zuzenean, domekan, 12:00etan.

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak