Usandizagak 22 urte eta 11 hilabete eman ditu preso. Uztailaren 31n askatzea espero zuen familiak, baina aurkeztutako errekurtsoei erantzunez bihar askatuko dutela jakinarazi diote.
Usandizagak hogeita hamar urteko espetxe-zigorra zeukan, eta honenbestez hiru laurdenak gaindituta zeuzkan; gainera, espetxean egindako ikasketengatik ere errekurtsoa aurkeztuta zeukaten. Oñatiarrak Filologia Hispanikoa ikasi du Kordobako kartzelan.
2019an haren anai Iñaki Usandizagak honela azaltzen zuen Kordobako espetxeko egoera: "Bere egoera oso latza da; izan ere, lehen graduan eta isolamenduan dago eta espetxeko bizi baldintzak muturrekoak dira, oso gogorrak".