'Deshumanizazioa' lana aurkeztu du Bizarro boskote oñatiarrak

Iban Idigorasek (bateria), Iñigo Palaciosek (kitarra), Aitor Regueirok (ahotsa), Tommaso Galatik (kitarra) eta Axibar Urteagak (baxua) osatzen dute 2018an sortutako Bizarro talde oñatiarra. Deshumanizazioa izeneko lana aurkeztu berri dute eta diskorik aterako ez duten arren, asteon kantuak sarean aurkezten hasi dira. Horrez gain, USB formatu fisikoan argitaratzeko asmoa dute kontzertuekin hasteko aukera dutenean.

Bizarrok rock iluna, tristea eta gogorra egiten du eta aurkeztu berri duten lan hau bost abestiz osatuta dago, aurrerapen kantua Giltzapeko oihuak delarik.

Boskote oñatiarrak, sare sozialak erabili ditu kantak aurkezteko eta maiatzaren 11az geroztik egunero, abesti baten berri eman dute. Gauzak horrela, irailean egoerak horretarako aukera ematen badu, Deshumanizazioa lana aurkezteko asmoa dute zuzeneko emanaldi baten bitartez. Hala ere, musika taldeak jakinarazi du, diskoa atera beharrean, lana USB formatuan argitaratuko dutela.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.