Magnet Kooperatibak bultzatutako Kuttuna egitasmoarekin bat egin du Udalak; horretarako, 20.000 euroko poltsa bat sortu du egitasmoak bultzaturiko erosketa bonuetarako. Hau da, herritarrek erosiko dituzten bonuen zenbatekoaren %20a diruz lagunduko du Udalak.
Baldintza batzuk ezarri dituzte; adibidez, bonua 200 eurora artekoa izatea. Hori horrela, erosleak 40 euroan eskuratuko luke 50 euroko bonua; eta, 160 euroan 200ekoa. Bestalde, laguntza erosketa ezberdinetan banatu eta ahalik eta establezimendu kopuru handienera hel dadin, pertsonako 400 euroko muga ezarri da bonuak erosteko.
