Partiduaren hasieran sei gol egin zizkion aurkariak etxeko taldeari, eta neurketa aurrera joan ahala "egonkortzeko" aukera izan zutela azaldu du Fagor Industrialeko kapitain Mikel Agirrek. Hala, talde oñatiarra markagailuan atzetik iritsi zen atsedenaldira –hiru goleko aldearekin–.
Bigarren zatian, aldiz, "erritmoari eustea" lortu zuten etxekoek, eta beraz partidua nahiko berdinduta egon zen minutu horietan. Azkenean, berdinketarekin amaitu zen neurketa; 28 gol sartu zituzten talde biek. Etxeko taldea "pozik" azaldu da lortutako puntuarekin, Agirrek azaldu duenez: "Ligako talde onenetarikoa da Hondarribia; aurkari zaila. Oso pozik gaude lortutako puntuarekin".