Debagoienetik ez ezik, Euskal Herriko beste toki batzuetako zenbait elkarte izan dira azokan parte hartzen. Burujabetza izanik helburu nagusia, nork bere proiektua ezagutzera ematea zuten helburu; "bertako proiektuak" direnak herritarrei erakustea, alegia.
Aleka, Goiener, Olatukoop, Ortuzabala, Erein Da Jan, Izarkom eta Koop 57 izan dira azokan, herritarren eskura informazioa jartzen edota beren produktuak saltzen. Era berean, zenbait herritar ere animatu dira gaurko egunaren harira antolatutako azokara joan eta informazioa lehen eskutik jasotzera.