Apirilaren 26an egingo da aurtengo Aloñako Igoera eta dortsal guztiak banatuta daude dagoeneko. Aurreko asteburuan oñatiarrendako zabaldu zuten izen-ematea, 83k eman zuten. Gaur, zapatua, goizean gainerako herrietakoak apuntatzeko aukera zabaldu dute eta ordubete baino gutxiagotan eman dituzte geratzen ziren dortsalak. "Oso pozik gaude, bai. Pena bakarra da aurten neska gutxi animatu direla, 18 bakarrik. Orain lanean jarraituko dugu dena ahalik eta ondoen antolatuta egoteko", adierazi du Mikel Urrutiak.
Hemen izena eman duten korrikalarien inguruko datu batzuk:
- Guztira, 300 lagunek eman dute izena Aloñako igoerarako (83 oñatiarrak, tartean sei neska)
- Debagoiendarrak, guztira, 149
- Izena eman dutenen artean 18 dira neskak (bederatzi bailarakoak, tartean oñatiarrak)
- Euskal Herriko herri ezberdinetatik etorriko diren korrikalariez gain, Tarragonatik, Burgosetik, Pontevedratik, Castellondik eta Huescatik ere etorriko dira.
- Dagoeneko 43 lagun daude itxaron zerrendan