Infantil mailako Txintxurretak eta Egurbidek –Aloña Mendi– hasi dute gaurko jaialdia. Antzuolako Olalde elkarteko pilotarien aurka jokatu dute, eta horiek erraz nagusitu dira oñatiarren aurka: 4-18 galdu du Aloña Mendik. Infantil mailako Larrearen eta Aldearen txanda izan da ondoren. Ilunpe elkarteko bikotearen aurka jokatu dute eta 14-18 galdu dute.
Kadeteen mailan, Aloña Mendiko Etxegarai-Regeiro bikoteak Ilunpeko pilotarien aurka jokatu du. 22-3 izan da emaitza, etxekoen alde.
Nagusien mailan bi partidu jokatu dituzte. Lehenengoan, Eskalero-Perez bikoteak Legazpiko bikotearen aurka jokatu du, eta 10-22 galdu dute oñatiarrek. Bigarren partiduan, Biain-Erle bikotea Lapke1 taldearen aurka 22-14 nagusitu da.
