Aloña Mendiko mendi sailak antolatuta, Adarra mendira bisita egingo dute mendizaleek. Urnietan hasi eta Andoainen amaituko dute ibilbidea, eta tartean "tontortxo" ezberdinetatik igaroko direla azaldu dute antolakuntzatik. Behin ibilbidea amaituta, sagardotegi batean bazkalduko dute guztiek, arratsaldean Oñatira itzuli aurretik.
"Zailtasunik gabeko" ibilbidea dela aurreratu dute, 16,5 kilometro egiteko bost ordu inguruko ibilbidea.
Izen-ematea, eguenera arte
Irteerara joan nahi duenak aurrez izena eman behar du Aloña tabernan edo alonamendi.mendi@gmail.com helbidera mezua bidalita. Bestalde, ordaindu beharreko prezioa 10 eurokoa da, eta federatuta egotea derrigorrezkoa da.