Talde oñatiarrak Aiala eskubaloiko zarazutarrak hartu zituen atzokoan etxean, Zubikoan. Josune Puga taldeko kapitainak adierazitakoaren arabera hasieran "ondo" ibili ziren, "defentsan batez ere": "Eroso hasi garen arren, une batean beherantz joan da dena. Bigarren zatiaren hasieran gora egitea lortu dugu pixka bat, baina ezin izan dugu Aiala garaitu".
Hain zuzen, Xabi Guridi entrenatzailearen esanetan lehen zatiak eman zion "aukera handia" Aialari: "Baloi asko galdu ditugu eta horrek marjina izateko aukera eman dio aurkariari. Erritmoa partidu osoan zehar mantentzea falta izan zaigu".