Oñatin egingo da Euskal Herriko hurrengo 'Sketchcrawl' marrazketa topaketa. 10:00etan dute hitzordua eginda unibertsitatean eta talde argazkia atera eta gero hasiko dira herriko txokoak marrazten. Txokolateixia bisitatzeko plana ere egin dute eta bazkaria ere antolatu.
Hauxe da prestatu duten egitaraua:
- 10:00etan, Oñatiko unibertsitatean talde argazkia
- 10:15ean, San Miguel errota eta inguruak marrazteko aukera
- 12:00etan, Foruen enparantzan, aperitiboa eta argazkia
- 12:15ean, Txokolateixia bisitatzeko aukera
- 14:30ean, bazkaria Zurrust jatetxean
- 18:00etan, bukaerako argazkia
- OHARRA: Bisitarako eta bazkarirako, aurrez eman behar da izena.
Antolatzen den Euskal Herriko 66. 'Sketchcrawl' marrazketa maratoia izango da. Azkena, Gasteizen egin zuten pasa den azaroan.
