Segurtasun Sailetik jakitera eman dutenez zaintza lanetan ziharduen Ertzaintzaren patruila-auto bat Oñatiko enpresa batera gerturatu zen atzo eguerdian, herritar batek egindako deiari erantzunez; izan ere, haren esanetan, hainbat lagun zeuden lantegi horren barruan lapurretan egiteko asmoarekin.
Hara gerturatzerakoan bi furgonetarekin egin zuten topo; bata lantegiaren atzeko partera zihoan eta besteak, handik alde egiteko asmoa zuen. Azken hori gerarazi zuten ertzainek eta barruan zeraman metalezko materialaren jatorriaz galdetuta ibilgailuaren gidariak erantzun zien lantegiaren atzeko partean zegoen edukiontzi batetik hartu zuela. Hara gerturatzerakoan beste ibilgailuan zihoazen bost lagunak antzeman zituzten, eta frogatu lantegiaren barrualdera sartu zirela hesia pasatuta. Bi ibilgailuak miatu zituzten orduan eta barruan topatu bost pala, bi arrastelu edo eskuare, mazo bat eta zizel bat, "seguru asko lapurretan erabiliak".
Ertzainek atxilotu egin zituzten sei lagunak -horietako bostek aurrekariak dituzte- eta gaur, Bergarako epaitegiaren eskuetan geratu dira.