Defentsan egindako lan gogorrak eta aurrealdean lasaitasunarekin jokatu izanak eman dizkio Aloña Mendiri partiduko bi puntuak. Partidu guztian ibili dira etxekoak aurretik: "Aukerak izan ditugu lau goleko abantailarekin aurretik egoteko... baina, ezin izan da". Atsedenera 10-8ko abantailarekin iritsi dira oñatiarrak; eta, partidu amaieran 20-19 izan da emaitza.
Aurrean zuloak bilatzea, gakoa
Ereintza aurkari gogorra dela nabarmendu du Garcia entrenatzaileak. "Gure lana defentsa tinkoa egitea izan da, eta aurrean zuloak bilatzea. Esan behar da euren atezaina ondo ibili dela".
Partiduko gakoa behin eta berriz aukerak sortzea izan dela azaldu du Garciak.
Hurrengo biak, etxetik kanpo
"Garrantzitsua izan da partidua irabaztea, izan ere hurrengo astean Urdanetaren aurka jokatuko dugu etxetik kanpo; eta, Gabonen ostean ere etxetik kanpo izango dugu lehia", dio Garciak.