Egun Realeko coah-a da Imanol Ibarrondo bilbotarra. Talde lana osasuntsua izatea da berak gura duena eta hori lortzeko egiten du lana. Eta horri buruz hitz egingo du gaur, eguaztena, Oñaiko kultura etxean, 18:30ean.
El regalo oculto de tu saboteador du izena hitzaldiak eta norberaren ezaugarriak ateratzeko eta lantzeko norberak duen indarraz jardungo du, ezaugarri horiek positiboak eta aktiboak izateko.
Poz, Ohitura Osasuntsuen Orientazio Zerbitzua, programaren barrua antolatutako hitzaldia da, Eskola Kirolarekin batera. Gainera, Txandaren laguntza ere izango dute. "Herritar osasuntsuak izatea da helburua eta honekin bat egiten duten herriko beste eragile batzuekin batera gauzak antolatzeko prest gaude. Oraingoan Txanda ere izango dugu ondoan eta litekeena da gauza gehiago ere egitea elkarrekin aurrerantzean", dio Rosa Lasagabaster kirol teknikariak.