Herriko merkatarien eta bezeroen arteko komunikazioa hobetzeko tresna da Merkatari aplikazioa. "Saltzaileek euren produktuen katalogoa erakutsi dezakete bertan, dituzten eskaintzen berri eman. Erosleek, berriz, hori ikusteaz gain, eskaerak egin diezazkiekete dendariei", dio Merkatari proiektua koordinatzen ari den Ines Aranok. Oñatiko Udalak herriko merkatarien eskura jarri duen tresna da, Goiena lagun duela.
Dendara joan behar da
Dendarien eta bezeroen arteko harremana bertatik bertarakoa, gertukoa, izatea gura du Merkatari-k. Horrela, aplikazio honekin, produktuak eskuko telefonoan ikusi arren ezin dira on line erosi. "Bezeroak dendara joan behar du gura duen produktu hori erostera. Saltzaileen eta erosleen arteko betiko gertutasun hori babestu eta indartu gura du aplikazio honek". Tokiko dendek berebiziko garrantzia dute herriaren eraldatze eta etorkizunean; horregatik, Merkatari-k teknologiak eskaintzen dituen tresnak gerturatzen dizkie komertzioei. Bezeroek, aplikazioa deskargatzen duten momentutik, herriko eskaintza komertziala modu errazean ikus-teko aukera izango dute, euren telefonoetatik bertatik eta dauden lekuan daudela.
Txateatzeko aukera
Aplikazio honekin, gainera, eskaintza orokorrak eta pertsonalizatuak jasoko dituzte dendarien eskutik; produktuen eskaerak erraz egin ahal izango dituzte; eta dendariekin txat bidez kontaktatzeko aukera izango dute, edozein zalantza erraz argitzeko eta eskaerak eta enkarguak egi-teko, besteak beste. Oraingoz, herriko hamabost komertzio batu dira Merkatari egitasmora. "Era guztietako dendak eta zerbitzuak daude multzo horretan: janari dendak, ile apaindegiak, harategiak, dekorazio dendak, etxetresnak saltzen dituztenak, eta abar. Datozen asteetan han-ditu egingo da kopuru hori", dio Ines Aranok. Ekimenera batu gura duenak telefono zenbaki honetara deitu behar du: 688 69 02 55.
Doan da
Aplikazioa dohainik deskargatzea eta erabiltzea oso erraza da eta, gainera, deskargatzearekin ba-karrik bezeroek sariak irabaz ditzakete. Orain, esaterako, abendu osoan izango diren zozketak egongo dira. Aplikazioa deskargatzen duten bezeroen artean 100 euroko bonuak zozkatuko dira. IOS eta Android telefonoetan deskargatu daiteke