Uribarri auzoko historia jasotzen duen liburua aurkeztu dute

Maider Arregi 2019ko abe. 1a, 16:45

Uribarri auzoak bere historia idatzita eta jasota dauka. Auzotarren bizimodua eta istorioak azaleratzeko asmoz eginiko liburua da eta atzo aurkeztu zuten. "Talde lana egin dugu eta auzoko pertsonaia bitxi eta garrantzitsu askoren pasarteak jaso ditugu", aurreratu dio Mikel Alberdi egileetako batek GOIENAri.

Uribarri auzoko bizimodua eta bertako biztanleen istorioak jaso dituzte. Besteak beste, 63 urtez eskolako maisu izan zen Pedro Migel Galarragaren pasarteak, euskarari garrantzia handia eman zion Felipe Jausoro maisuarenak nahiz Pedro Antonio Orueta apaizaren eskuzabaltasuna. Azken horrek, adibidez, 14.000 erreal batu zituen auzoko neska-mutilendako. Liburua egin izana oso gustura jaso dute auzokideek eta harrera ona izan duela aitortu du egileetako bat den Mikel Alberdik.

Laster izango da liburua eskuratzeko aukera.

 

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak