Azken jardunaldian Anoeta taldearen aurka lortutako garaipenarekin (3-4) Gipuzkoako txapelketako liderrak dira Aitor Sanchezen mutilak eta bihar, beste aukera bat izango dute sailkapeneko lehen postu horri eusteko. Izan ere, Ingou Aloñak Gamon Tanatorio Oarso taldearen bisita jasoko du Zubikoan, 19:45ean.
"Azken jardunalditan sailkapeneko lehen postuetan zeuden taldeen aurka irabaztea lortu dugu, entrenamendu saiotan landutakoa praktikan jarriz eta bide horretan jarraitzea da taldearen asmoa", adierazi du Sanchezek. Horrekin batera, Ingou Aloñako entrenatzaileak taldearen jarrera azpimarratu du: "Taldearen jarrera oso ona izaten ari da denboraldi hasieratik, eta hori entrenamendu saiotan zein partidutan nabaritzen da".
Gamon Tanatorio Oarso taldea sailkapeneko bosgarren postuan dago, jokatutako bost partidatik bina irabazi eta galduta eta bakarra bananduta.