Santa Zezilia eguneko kontzertu berezia egingo du musika bandak domekan. Musika bandako kideen ondoan parrokiako abesbatzako kideak egongo dira, haiek ere parte hartuko dute-eta emanaldi berezi honetan. Iñaxio Ibarrondok zuzenduko du eta joko dituzten piezen artean, Galiziako rapsodia bat joko dute, lehenengo aldiz. Katiuska zarzuelako doinuak ere joko dituzte.
Hauxe da domekako kontzertuko egitaraua:
- Pepita greus (Egilea: Pascual Pérez Dori) -- Bandak joko du
- King Arthur (Egilea: H. Purcell) -- Bandak joko du
- Catantibus (Egilea: Esnal). Iñaxio Ibarrondok moldatuta - Bandak eta parrokiako abesbatzak
- Katiuska (Egilea: Pablo Sorozabal) -- Bandak eta parrokiako abesbatzak
- Alborada de segura (Egilea: Ezezaguna). Iñaxio Ibarrondok moldatuta --- Bandak joko du
- Aires vascos (Egilea: Jose Franco Ribate) -- Bandak eta parrokiako abesbatzak
- Por terras da Ribeira sacra (Letra eta musika: Iñaxio Ibarrondo. Itzulpena: Santiago Bonai) -- Bandak eta parrokiako abesbatzak
Kalejira
Azaroak 22, egubakoitza, da Santa Zezilia eguna eta egun horretan kalejira egingo du herriko kaleetan zehar Oñatiko musika bandak, 18:30ean.