Eskalada egiteko bidaia egin zuten iaz, abuztutik azarora, Agirrek eta Mendizabalek. Han grabatutako irudiekin eta ateratako argazkiekin egindako ikus-entzunezkoa da, hain zuzen ere, gaurko ekitaldian aurkeztuko dutena. "Yosemite parkean dagoen Kapitaina pareta igotzea zen helburuetako bat. Eta egin genuen, lortu genuan. Bestalde, AEBetako mendiek, paretek, fisura asko dituzte, hemengoek ez bezala. Pareta horiek eskalatzeko beste teknika bat behar da. Guk, normalean, beste modu batean eskalatzen dugu eta han horrela egitea erronka txiki bat zen guretako. Teknika ez ezik, aseguratzeko modua ere ezberdina da fisurak dituzten paretetan", dio Jon Agirrek. Iluntzeko ekitaldian hitza har-tuko dute Agirrek eta Mendizabalek. Proiektatuko duten ikus entzunezkoari sarrera txiki bat egingo diote, euren bidaiaren nondik norakoak aipatuz. Amaieran ikus-entzuleen galderak erantzuteko egongo dira, eskaladaz berba egiteko.
Sari banaketa
Ikus-entzunezkoaren aurretik, 19:00etan, zinema aretoan bertan, mendi sailak antolatutako argazki lehiaketako sari banaketa egingo dute. Lehiaketako bi sailetan emandako sariak bana-tuko dituzte. Argazki sarituak eta beste hainbat ikusgai daude erakusketa gelan 24ra arte.