Zapatuan hasiko da San Martin egoitzako Nagusien Astea. 12:00etan meza izango dute eta 14:00etan bazkaria. Arratsaldean, DJ Jabi Sound joango da musika jartzera.
Astelehenetik egubakoitzera bitartean, berriz, urtero moduan, herriko hainbat talde joango dira San Martin egoitzara emanaldi bat edo beste eskaintzera. Esaterako, astelehenean, Jose de Azpiazu musika eskolako ikasleek kontzertua egingo dute. Martitzenean, bolo txapelketa eta txokolate-jana izango dute. Oñatz dantza taldekoak eguaztenean joango dira dantza saioa egitera. Eguenean, Oñati abesbatzaren emanaldia eta afari-merienda izango dituzte eta egubakoitzean, bingo berezia. Egoiliarrek euren senide eta lagunekin gozatzeko ekitaldiak dira guztiak.