Azaroaren 17an izango da Aloña Mendiko mendi sailak antolatu duen hurrengo irteera. Herriko mugarriak ezagutzeko antolatutako bigarrena, hain zuzen ere (urtarrilean egin zuten lehena).
Ibilbide honetan Jentiletxe eta Arratola gainaren artean dauden mugarriak ezagutuko dituzte. Irteera Oñatiko plazan izango da eta oinez, Jentiletxeraino joango dira. "Gero, ibilbidean, Gorostiaga, Gainzabal, Ipinuegi, eta Udana gainak irabaziko ditugu. Bukaera Barrendiolako urtegian izango da, autobusez bueltatuz", diote antolatzaileek. Ibilbidearen zehetasunak aipatuz, diote hemeretzi kilometrokoa izango dela sei bat ordu ingurukoa eta zailtasunik gabekoa. 08:00etan izango da irteera Foruen plazatik.
Aloña Mendiko mendi sailak gogora arazi du derrigorrezkoa dela federatuta egotea irteeran parte hartzeko. Izenam emateko azken eguna azaroaren 14a da. Aloña tabernan edo alonamendi.mendi@gmail.com helbidera mezua bidalita egin daiteke. Prezioa da bost euro.