Oñatik dituen eskaintza guztiak batu eta egokitu ditu Udaleko Turismo Sailak asteburu honi begira. Herri barruan, esaterako, ohiko bisitak egingo dituzte Txokolateixara, unibertteko eta lehoiaren historia ezagutzeko ibilaldia egingo dute eta Arantzazun ere egongo da zer ikusia: Xavier Alvarez de Eulate pintura lehiaketako lanak edo parketxea, esaterako. Inaziotar Lurraldea oinez egiten duen ibilaldia ere egunotan pa-sako da handik. Gomiztegi artzain eskola ere bisitatu ahal izango dute, eta, noski, baita Urbia alderako mendi ibilaldiak egin edo eskalatu ere.
Atseden tokiak
Turistek zer egin eta zer ikusi ez ezik, non atseden hartu ere izango dute Oñatin. Izan ere, 352 ohe prest egongo dira datozen egunetan bisitariendako, izaera eta kategoria ezberdinetako ostatuetan, gainera.