Aurretik bazegoen hezegune bat Belatxara ingurune horretan, baina industria jardueraren ondorioz, sikatu egin zen. Gaurko auzolararekin gune hori berreskuratu gura izan dute.
Aurretik eginda zegoen zuloa plastiko zuriarekin forratu dute. Hurrengo pausua, urez betetzea izango da. Ostean hasiko dira anfibioak putzura heltzen. "Anfibioek ura behar dute ugaltzeko, baina guztiak ez dira errekara joaten. Batzuek putzuak erabiltzen dituzte. Adibidez, Iturrigorriko putzuan txantxikuak eta ugandreak sarri ikusten ei dira. "Udaberri eta uda aldera bete beteta egoten dira. Dena dela, putzu horiek ez dira bakarrik anfibioendako. Naturak sortzen dituen landareak egongo dira, edo animaliek beste nonbaitetik ekarri dituzten hazietatik hazitakoak", esan dute Natur Eskolako kideek.