Beste nobedaderik ere bada, ordea, aurten; izan ere, Mondrak, UDAk, Arizmendik eta Aloña Mendik bate egin dute emakumezkoetan, eta denen artean bi talde atera dituzte senior mailan, horietako bat Arizmendi Aloña izendatu dutena, gaur Azkoagainen aurkeztu dena, hau ere: "Leku batean ere ez genuen taldea osatzeko nahikoa neska, eta helburua izan da futbolean jokatu gura zuten neskei aukera ematea", azaldu du Aloñako zuzendaritzako Jabi Agirrek.
Bestelakoan, senior mutiletan bi talde izango dira, eta gazte mailan beste hainbeste. Kadeteetan, berriz, bi talde izango dira mutiletan, eta bat nesketan. Infantiletan ere bi talde osatu dituzte mutilekin eta bat neskekin, azken hauen kasuan zortziko futbolean aritzeko. Alebinetan, nesken talde berriarekin batera mutilen biak ariko dira. Hauei guztiei, futbol eskolan jardungo duten ehundik gora neska-mutikoak batu behar zaizkie.
Hori, jokalariei dagokienez; hauei lagun egiteko, berriz, teknikari, prestatzaile eta abarrez osatutako talde handia ere badu Aloña Mendik, 50 pertsona ingurukoa.
