Urtero legez, aurten ere Santa Ana antzokiak hartuko du herriko trikiti jaialdia; urriaren 26an, zapatu arratsaldean. Lizargarate Trikitizale Elkarteak antolatuta, inguruko herrietatik etorritako bost trikitilari hirukote eta bi bikote arituko dira oholtza gainean –guztira, hemeretzi trikitilari–.
Jaialdiaren XI. edizio honetan, emanaldia ikustera joan nahi duenak sarrerak eskuratu beharko ditu aurrez, eta dagoeneko salgai daude; Bizipoz kafetegian, hamabi euroren truke. Gainera, erreserbak ere egin ahal izango dira, lizargarateelkartea@gmail.com helbidera mezu bat idatzita. Horrez gain, jaialdia amaitutakoan afaria egongo da Oñatiko Pago Uso elkartean. Afarirako txartela 22 euro da.