2019-2020 ikasturterako lau ikastaro antolatu ditu Udalak. Patchwork, hardanger, myreska, ajoureta mayorquin eta richellier teknikak lantzeko ikastaroa da horietako bat. Bestalde, pintura ikastaroa ere badago aukeren artean; haurrei eta helduei zuzendutakoa. Eskulan dekoratibo eta sendabelar tailerrak ere egongo dira, azken hau soilik helduei zuzendutakoa izango den arren. Ikastaro guztietan daude plaza mugatuak, eta dagoeneko eman daiteke izena.
Eskainitako plazak baino jende kopuru handiagoak izena emanez gero, aukeraketa zozketa bidez egingo dute. Urriaren 24 arratsaldean argitaratuko dute onartuen zerrenda kultur etxean eta Udalaren webgunean.
