Hiru talde egingo dituzte, eta dagoeneko izen-ematea zabalik dago. Taldeak izango dira: haurrak –LH1-LH5–, martitzenetan eta eguenetan, 17:00etatik 18:30era; nerabeak –LH6-DBH4–, martitzenetan eta egunetan, 18:30etik 20:00etara; eta, nagusiak, –16 urtetik gorakoak– hilean aste bukaera bat izango da.
Azken horien izen-ematea urrian zabalduko dute. Haurren eta nerabeen eskoletako prezioa 30 euro izango da, hileko.
Antzerki eskolan izena emateko, Irazanekin harremanetan jarri beharko da; sare sozialen bitartez, irazantaldea@gmail.com helbidean edo 659 03 10 36 telefono zenbakian. "Mundua beste begirada batetik" ikusi gura duen orori eta "sormenaren bitartez hori erakutsi" nahi duenari zuzendutako eskola izango da.