Atzo hasi eta bihar, astelehena, emango diote Arantzazuko jaiei bukaera borobila auzotarrek. Patata tortilla lehiaketa, mus txapelketa eta auzo bazkaria giro onean ospatu dituzte. Bihar, luntxa eskainiko dute auzotarrendako eta auzoko presoak ere gogoan izango dituzte.
80 auzotar batu dira gaur Arantzazuko auzoetxean bazkaltzeko. Lizardi saria jaso berri duen Maider Arregik bazkal ostea girotu du Aitor Tatiegi bertsolariarekin batera. Auzotarren bat edo beste ere animatu da bertso-jokoan egitera.
Atzo, aldiz, tortilla lehiaketa Aixkirri baserriko Maria Elene Odriozolak irabazi zuen. Mus txapelketan aldiz, Migel Arregi eta Bixente Elortzak jantzi zuten txapela.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.