Zarauzko Bertsolari Gazteen 43. Lizardi Saria eskuratu zuen egubakoitz iluntzean Maider Arregi oñatiarrak. Bigarren Joanes Illarregi geratu zen eta hirugarren Aitor Bizkarra.
Bi kanporaketa ostean sei bertsolari elkartu ziren finalean Zarauzko Modelo aretoan: Jon Gurrutxaga, Aitor Bizkarra, Maider Arregi, Joanes Illarregi, Maddi Ane Txoperena eta Unai Izagirre. Lehia estua izan zuten Arregik eta Illarregik, puntuka berdindu egin zuten eta, baina azkenean txapela Arregirentzat izan zen. Hirugarren, ostera, Aitor Bizkarrak egin zuen. Saria emakume bertsolariei eskaini zien Arregik, behin txapela jantzita bota zuen bertsoan.
Argazkia: Zarauzko Hitza.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
