Irailaren 15ean ospatuko dute Haurren Eguna. Ume dantzariak etxeetan jasotzeko eskaera egiteko azken eguna gaur da, irailaren 6a. Interesa duenak Oñatz dantza taldekoekin jarri beharko du harremanetan.
"Azken urteetan dantza taldeko haurren gurasoek erakutsitako konpromisoarekin, haur guztiak etxeetara banatu ditugu", dio dantza taldeko kide Maite Irizarrek. Horregatik, gurasoak eta familiak "eskertu" gura dituzte; eta baita elkarte gastronomikoak ere, euren laguntzagatik.
13 dantza talde etorriko dira
14 dantza taldek parte hartuko dute; tartean, Oñatzek. Taldeei ongietorria 10:15ean egingo zaie; eta arratsaldeko alardea 17:15ean izango da, plazan. Iker Isasti izango da aurten alkate txikia.
