Markelen Lagunarteak antolatuta agurra egingo diote txirrindulariari Klasikoaren ondoren

Abuztuaren 3an esango dio Markel Irizar txirrindulariak agur ibilbide profesionalari. Donostia Klasikoa jokatuko du egun horretan; eta, ondoren, Markelen Lagunarteak antolatuta agurra egingo diote txirrindulariari Oñatin.

Donostia Klasikoa jokatuko du egun horretan; eta, iragarri duen moduan, bere azken lasterketa izango da profesional moduan. Egun berezi hori lagunekin, familiarekin eta taldekideekin pasatuko du oñatiarrak. Izan ere, Markelen Lagunarteak antolatuta, agur berezia egingo diote txirrindulariari Oñatin.

20:00etan, Bizipoz kafetegian elkartuko dira. Trek-Segafredoko taldekideak etorriko dira Oñatira, eta familiaren eta herritarren laguntzarekin bizikleta eskegiko du kafetegian.

Klasikoa, gizonezkoena eta emakumezkoena

Gizonezkoen Donostia Klasikoa 11:49an hasiko dute, Ibaetan. 227,3 kilometroren ondoren, Bulebarrean amaituko da –17:13 inguruan–. Emakumezkoen lasterketa 10:15ean hasiko dute, Ibaetan, eta, 126,7 kilometroren ondoren, 13:25ean amaituko da, Bulebarrean.

GOIENA KLUBEKO BAZKIDETZA %30 MERKEAGO

Goiena Komunikazio Taldeko hedabideek lehentasunezko mezenasgo jarduera izendapena dute. Ondorioz, Goiena Klubeko bazkide baldin bazara zerga onurak ezarriko zaizkizu Goienari egin diozun ekarpenarengatik.

Goiena Klubeko bazkidetza kuota %30 merkatuko zaizu errenta aitorpena egiterakoan.

BAZKIDE EGITEKO, DEI EGIGUZU: 943 25 05 05 edo egin klik hemen.


Zerga onurak izateko datuak bete