Gaur gauean, gainera, autobus zerbitzua egongo da, 22:00etatik 07:00etara bitartean, jaietara hurbildu nahi duenarentzat. Bestalde, hainbat nobedade daude aurtengo egitarauan: bizikleta zeharkaldia –bihar, 16:30ean izango da izen-ematea eta parte hartu nahi duenak bost euro ordaindu beharko ditu–, Potx eta Lotx pailazoen ikuskizuna eta biharko afalosteko erromeria, Laja eta Lutxurdixoren eskutik, besteak beste. Gainontzean, urteroko hainbat ekintzatan parte hartzeko aukera egongo da; esate baterako, musika emanaldiak, meza eta mus txapelketa. Gaur, 17:30ean hasita, pilota txapelketarekin hasiko dira Madalenako jaiak eta ekintza ugariz gozatzeko aukera izango da domekara bitartean. Leire Etxezarretaren eta Eider Garroren kontzertu akustikoak itxiko ditu aurtengo auzoko jaiak.