Izen-ematea
Izena emateko bi modu jarri dituzte antolakuntzatik: batetik, online bidez eman daiteke izena https://forms.gle/Ey2suWF52RZJsJdEA inkesta beteta. Bestalde, Kultur Etxean postontzi bat egongo da izena eman nahi duenak orria bete dezan. Izena emateko azken eguna uztailaren 19a izango da.
Zozketa
Izena ematen duten guztien artean zozketa egingo da norberaren postua zein izango den jakiteko. Zozketa uztailaren 23an izango da Santa Ana aretoan, 18:00etan eta bertara bakarrik umeak joan ahal izango dira. Bertaratu ezin diren umeei, mezu elektroniko bidez jakinaraziko zaie zozketaren emaitza.
Entseguak
Entseguak irailean izango dira 3, 5, 10 eta 12an, hain zuzen ere. Horiek Eltzian izango dira 18:45etatik 19:30etara bitartean. Entsegu orokorrak berriz, bi izango dira, irailaren 17an eta 19an. Azken hauek ordu bateko iraupena izango dute, 18:30etatik 19:30etara bitartean, alegia.
