Txantxiku Ikastolako ikasle talde bat Goienan izan da bisitan

Oñatiko Txantxiku Ikastolako DBHko ikasle talde bat Goiena ezagutzen izan da. Izan ere, ikasturtea amaitzeko aste batzuk gelditzen zaizkie eta epe horretan, kazetaritzari buruzko proiektu bat egin behar dute. Beraz, Goiena bertatik bertara ezagutu dute, erredakzioa, Arrasate irratia eta platoa, besteak beste. 

Maketatzaileen mahaiara gerturatuta, Goiena egunkaria eta Puntua aldizkariaren orriak nola egiten dituzten ikusi ahal izan dute. Telebistako platoan berriz, Hemen Debagoiena eta Harmailatik bezalako saioak nola ekoizten diren ezagutu ahal izan dute. 

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.